FİLİALIN TGT-NIN QƏLƏBƏSİ

Çap

07.01.20 13:27 ərzində olan dəyişikliklər Yazan Rəhbərlik 07.01.20 13:23



FİLİALIN TGT-NIN QƏLƏBƏSİDekabrın 28-də Elektra Events Hall-da Azərbaycan Tələbə Gənclər Təşkilatları İttifaqının (ATGTİ) 10 illik fəaliyyəti münasibətilə yubiley tədbiri keçirilib. Rəsmi və əyləncəli hissələrdən ibarət yubiley tədbirində 3000-dən çox tələbə, həmçinin ADPU-nun Şəki filialının TGT-nın fəalları, tərbiyə işləri üzrə təşkilatçı X.Həmidova, təhsil müəssisələrinin rəhbərliyi, bir sıra dövlət rəsmiləri iştirak edib. Tədbir ATGTİ-nin 10 illik fəaliyyətini əks etdirən hesabat və ölkədə uğurla
həyata keçirilən gənclər siyasəti haqqında video-çarxların nümayişi ilə başlayıb. Təhsil nazirinin müavini Firudin Qurbanov, Gənclər və İdman nazirinin müavini İntiqam Babayev və Gənclər Fondunun icraçı direktoru Fərid Cəfərov ATGTİ-ni 10 illik yubileyi münasibətilə təbrik edərək, gənclər siyasətinin həyata keçirilməsində ATGTİ-nin oynadığı rolun əhəmiyyətindən danışıb, İttifaqın tələbə hərəkatının inkişafında gördüyü işlərin əhəmiyyətli olduğunu vurğulayıblar. Daha sonra ATGTİ-nin sədri Faiq Məmmədov ATGTİ-nin yeni loqosu və himnini tədbir iştirakçılarına təqdim edib. Bütün ATGTİ ailəsini 10 illik yubiley münasibətilə təbrik edən ATGTİ sədri daim gənclərin yanında olduğuna görə, ölkədə tələbələr və gənclər üçün münbit şərait, sağlam gənclər mühiti yaratdığına görə ölkə başçısı cənab İlham Əliyevə Azərbaycan gəncliyi adından təşəkkür edib. Tədbirin davamında ATGTİ ilə sıx əməkdaşlıq edən dövlət və qeyri-hökümət təşkilatları, təhsil müəssisələrinin rəhbərliyi, habelə TGT-nın sədrləri təltif olunublar. Sevindirici haldır ki, ADPU-nun Şəki filialının TGT təltif olunan on təşkilat içərisində yer alıb.
FİLİALIN TGT-NIN QƏLƏBƏSİFİLİALIN TGT-NIN QƏLƏBƏSİFİLİALIN TGT-NIN QƏLƏBƏSİ