Noyabrın 28-də Azərbaycan Dövlət Pedaqoji Universitetinin (ADPU) Şəki filialında “Azərbaycan Respublikasının Konstitusiyası müstəqillik və suverenliyimizin hüquqi təməlidir” mövzusunda elmi konfrans keçirilib. Konfransda filialın rəhbərliyi, professor-müəllim heyəti və tələbələr iştirak ediblər. Konfransı ADPU-nun Şəki filialının direktoru dosent Vurğun Məmmədov açaraq, Azərbaycan dövlətinin müstəqilliyi, suverenliyi və onun tarixi əhəmiyyəti haqqında məlumat verib. Konfransda Ümumelmi fənlər kafedrasının müdiri dos.S.Bədiyev “Milli müstəqiliyimizin bərpası və möhkəmləndirilməsində Ümummilli Lider Heydər Əliyevin tarixi xidmətləri”, həmin kafedranın müəllimləri Vüsalə Qaragözova “Qloballaşma şəraitində Azərbaycanın milli maraqları”, Nərgiz Heydərova “Azərbaycan Respublikasının Konstitusiyasında ölkə vətəndaşlarının təhsil hüququnun təminatı” mövzularında məruzələrlə çıxış ediblər. Sonra məruzələr ətrafında müzakirə aparılıb.Konfrans dos.Vurğun Məmmədovun yekun nitqi ilə başa çatıb.

• Növbəti >