Noyabrin 18-də Azərbaycan Dövlət Pedaqoji Universitetinin (ADPU) Şəki filialında Pedaqoji fakültənin “Tarix müəllimliyi”, Filologiya fakültəsinin “Azərbaycan dili və ədəbiyyatı müəllimliyi” və “Xarici dil müəllimliyi (fransız dili üzrə)” ixtisaslarının I tədris ili tələbələri ilə maarifləndirici tədbir keçirilib. Tədbirdə filialın Karyera mərkəzinin müdiri Xuraman Həmidova mərkəz haqqında məlumat verib, yeni qəbul olunmuş gənclərin gələcək karyeralarının qurulmasında mərkəzin rolundan danışıb. Təhsil aldıqları müddətdə onların bilik və bacarıqlarının inkişaf etdirilməsinə nail olmaq məqsədilə keçirilən, ümumi dünyagörüşünün formalaşmasına və genişlənməsinə xidmət göstərən, asudə vaxtlarının səmərəli təşkilinə, elmi tədqiqat bacarıqlarının formalaşması və inkişafına, seçdikləri ixtisas üzrə əmək bazarının tələblərinə cavab verə biləcək səviyyədə hazırlanmalarına xidmət edən tədbirlər haqqında geniş məlumat verib. Tədbir diskussiya şəklində davam edib. Görüşdə tələbələri maraqlandıran suallar cavablandırılıb.

• < Əvvəlki
• Növbəti >