Aprelin 30-da Azərbaycan Dövlət Pedaqoji Universitetinin (ADPU) Şəki filialında Şəki Rayon Mərkəzi Xəstəxanasının (RMX) tabeliyində fəaliyyət göstərən Ailə Sağlamlıq Mərkəzinin (ASM) təşkilatçılığı ilə maarifləndirici tədbir keçirilib. Tədbirdə ASM-in əməkdaşları, ADPU-nun Şəki filialının professor-müəllim heyəti və işçiləri, tələbələr iştirak ediblər. Tədbiri giriş sözü ilə filialın Karyera mərkəzinin müdiri Xuraman Həmidova açıb, tədbirin keçirilməsinin məqsədi haqqında məlumat verib. Tədbirdə Şəki Ailə Sağlamlıq Mərkəzinin həkim-pediatrı Günay Mikayılova və mama-ginekoloqu Yeganə Mustafayeva “Genderlə bağlı sosial normaların aşılanması, gender əsaslı zorakılıq, erkən nikahın fəsadları, reproduktiv sağlamlıq, qadının ailədə və cəmiyyətdə rolu” mövzusunda ətraflı məlumat veriblər. Sonda iştirakçıları maraqlandıran suallar cavablandırılıb.

• < Əvvəlki
• Növbəti >