Azərbaycan Dövlət Pedaqoji Universitetinin (ADPU) Şəki filialında “İbtidai sinif müəllimliyi” ixtisasının lV tədris ilinin İBS 2101 qrupu tələbələri tərəfindən "Sehrli əllər" sərgisi kollektivə təqdim edilib. Filialın Ümumelmi fənlər kafedrasının baş müəllimi, Əməkdar müəllim Sevil İbrahimovanın rəhbərliyi ilə təşkil olunan sərgidə tələbələr “Texnologiya və onun tədrisi metodikası” fənnindən əldə etdikləri bilik, bacarıq və vərdişlərdən faydalanaraq, maraqlı əl işləri təqdim ediblər. Sərgidə tələbələrin təxəyyül və fantaziyalarının məhsulu olan nümunələr: suvenirlər, masa və karusellər, güllər və dekorativ əl işləri maraqla izlənib.
Qeyd edək ki, əl işləri kağız və karton, parça, toxuma sapları, plastik materiallar, çöplər, təbiət materialları, sintetik məmulatlar və məişət tullantılarından hazırlanıb.

• < Əvvəlki
• Növbəti >