Azərbaycan Respublikası Gənclər Fondunun maliyyə dəstəyi ilə “Yaddaş” Maarifçi Gənclər İctimai Birliyi tərəfindən Azərbaycan Pedaqoji Universitetinin Şəki filialında 5 – 7 noyabr tarixlərində “Ekokamp Şəki” adlı layihə keçirilib. Layihədə Azərbaycan Gənclər Fondunun nümayəndəsi Elmir Həşimli, “Yaddaş” maarifçi gənclər ictimai birliyinin sədr müavini və layihə rəhbəri Murad İsayev çıxış edərək Azərbaycan Gənclər Fondunun həmçinin ictimai birliyin fəaliyyəti, layihənin məqsədi haqqında iştirakçılara məlumat veriblər.
Layihənin əsas məqsədi Şəki və regionun ekoloji turizm həmçinin kampçılıq potensialı haqqında gəncləri maarifləndirməkdir. 3 gün ərzində 60 nəfər gəncin iştirak etdiyi təlimlərə gənclərə Şəkidə ekoturizm və kampçılıq imkanları, Ekoloji kamp üçün lazım olan materiallar və onlardan istifadə, Ekoturizm və kampçılığın mental faydaları mövzularında təlimlər keçirilib. İnteraktiv formada təşkil olunan təlimlərdə iştirakçılar qruplar halında ekokampçılıq haqqında təqdimatlar hazırlamış, sual - cavab hissəsində də onları maraqlandıran suallar ətrafında müzakirələr ediblər. İştirakçılara layihə çərçivəsində hazırlanmış maarifləndirici kitabçalar paylanılmışdır. Təlimlərin sonunda iştirakçılara sertifikatlar təqdim olundu.

• < Əvvəlki
• Növbəti >