Əziz həmvətənlər, hörmətli tələbələr, məzunlar, dəyərli müəllimlər və əməkdaşlar!
Sizi xalqımızın birliyini, həmrəyliyini və mənəvi bütövlüyünü təcəssüm etdirən 31 Dekabr - Dünya Azərbaycanlılarının Həmrəylik Günü münasibətilə səmimi qəlbdən təbrik edirəm. Bu bayram illərdir ki, millətimizin mənəviyyatını, qarşılıqlı hörmət və etimad mühitini yaşadan ən ali dəyərlərdən birinə çevrilib. Bu gün bir daha birliyimizin gücünü, elmə və təhsilə olan sədaqətimizi, gələcəyə inamımızı yeniləyirik.
Müəssisəmizdə formalaşan yaradıcı mühit, akademik məsuliyyət və elmi düşüncə məhz bu dəyərlərin daşıdığı ruh ilə möhkəmlənir. Əminəm ki, kollektivi bir araya gətirən həmrəylik hissi qarşıdakı illərdə də tədris və tədqiqat fəaliyyətlərimizin daha da yüksəlməsinə xidmət edəcək.
Bu bayramın mənəvi gücü bizi bir araya gətirən dəyərləri yaşadır, Yeni il isə yeni hədəflərə doğru addımlamaq üçün bizə ilham verir.
Geridə buraxdığımız il universitetimizin elmi, pedaqoji və ictimai fəaliyyətində mühüm nailiyyətlərlə yadda qaldı. Bu uğurlar müəllimlərimizin fədakarlığının, tələbələrimizin əzminin və kollektivimizin birliyinin bariz göstəricisidir. Qarşıdakı ildə də universitetimiz üçün yeni layihələr, yenilikçi təşəbbüslər və beynəlxalq əməkdaşlıqlar hədəfləyirik.
Əminəm ki, Yeni ildə də elmə sədaqətimiz, əməkdaşlığımız və inkişaf istəyimiz daha böyük nəticələrə yol açacaq. Sizi bir daha həm xalqımızın birliyini, həmrəyliyini təcəssüm etdirən əziz bayram, həm də yeni ümidlərlə qarşılayacağımız Yeni il münasibətilə təbrik edir, hər birinizə sağlamlıq, xoşbəxtlik, ailə səadəti və yeni nailiyyətlər arzulayıram. Qoy bayram günləriniz sevinc, firavanlıq və sülh dolu olsun. Dövlətimizə, elmimizə və inkişaf yolumuza xidmət edən bütün işlərinizdə uğurlar sizinlə birgə addımlasın.
Bayramınız mübarək, Yeni iliniz uğurlu olsun!

• < Əvvəlki
• Növbəti >