Ümummilli lider Heydər Əliyevin anadan olmasının 102-ci ildönümu münasibətilə Azərbaycan Respublikası Elm və Təhsil Nazirliyinin və Azərbaycan Təhsil İşçiləri Azad Həmkarlar İttifaqı Respublika Komitəsinin Rəyasət Heyətinin birgə qərarına əsasən, ali təhsil müəssisələrinin tələbələri arasında bədii yaradıcılıq müsabiqə-festivalının keçirilməsi nəzərdə tutulub. Həmin müsabiqə-festivalda filialın müvafiq sahələr üzrə istedadli tələbələrinin iştirakını təmin etmək məqsədilə müsabiqə təşkil olunub. Aprelin 2-də keçirilən müsabiqədə filialın müxtəlif ixtisaslarının tələbələri münsiflər heyəti qarşısında bədii qiraət, rəqs, mahnı, musiqi alətində ifa üzrə öz bacarıqlarını göstəriblər. Münsiflər heyətinin qərarına əsasən hər bir nominasiya üzrə l, ll, lll yerlərə layiq tələbələr müəyyənləşdirilib və onlara l, ll, lll dərəcəli diplomların verilməsi nəzərdə tutulub.
Qeyd edək ki, müxtəlif nominasiyalar üzrə l yerə layiq görülmüş tələbələr aprelin 9-da müsabiqənin Bakıda keçiriləcək ikinci mərhələsində iştirak edəcəklər.

• < Əvvəlki
• Növbəti >