Oktyabrın 22-də Şəki şəhərində ali, orta ixtisas və peşə məktəblərinin tələbələri arasında şahmat idman növü üzrə şəhər birinciliyi keçirilib. Şəki-Zaqatala Regional Gənclər və İdman İdarəsinin Şəki şəhəri üzrə gənclər və idman sektorunun təşkilatçılığı ilə keçirilən yarışda 6 komanda, o cümlədən Azərbaycan Dövlət Pedaqoji Universitetinin (ADPU) Şəki filialının tələbələrindən ibarət şahmat komandası iştirak edib. Gərgin keçən yarışda filialın tələbələri bütün rəqib komandaları məğlub edərək birinci, ikinci, üçüncü yerlərə sahib olub. Qalib tələbələr Tarix və coğrafiya müəllimliyi ixtisasının V tədris ili tələbəsi Musa Vüqar oğlu Nəbiyev birinci, həmin ixtisasın II tədris ili tələbəsi Xəzər İlham oğlu Qədirov ikinci və Riyaziyyat və informatika müəllimliyi ixtisasının V tədris ili tələbəsi Əlican Valeh oğlu İsmayılov üçüncü dərəcəli diplomlarla təltif olunublar.

• < Əvvəlki
• Növbəti >