Noyabrın 4-də Şəkidə ağacəkmə aksiyası keçirilib. Azərbaycan Dövlət Pedaqoji Universitetinin (ADPU) Şəki filialının AMEA-nın Şəki Regional Elmi Mərkəzi (ŞREM) ilə birgə keçirdiyi aksiya “Yaşıl Dünya naminə həmrəylik ili”nə və ölkəmizin ərazi bütövlüyü uğrunda şəhid olmuş həmvətənlərimizin xatirəsinə həsr olunub. Aksiyada filialın rəhbərliyi, müəllim və tələbələri, AMEA-nın ŞREM-nin əməkdaşları iştirak ediblər. Əvvəlcə ərazi daşlardan təmizlənib, sonra ağaclar əkilərək sulanıb. Ağacəkmə aksiyası başa çatdıqdan sonra filialın tələbələri şəhidlərin xatirəsinə həsr olunmuş şeirlər səsləndiriblər. Filialın tədris işləri üzrə direktor müavini dos. Gülarə Abdullayeva çıxış edərək, ölkəmizin çox əlamətdar bir dövrü yaşadığını qeyd edərək bildirib ki, bu il Zəfər bayramı ərəfəsində “COP29”-un ölkəmizdə keçirilməsi çox böyük bir tarixi hadisədir. Bu aksiyanın keçirilməsinin əsas məqsədi də həm Vətən müharibəsi şəhidlərinin əziz xatirəsini bir daha yad etmək, həm də “Yaşıl Dünya naminə həmrətlik ili” çərçivəsində “COP29”-a töhfə verməkdir. Dos.G.Abdullayeva tədbirin təşəbbüsçüsü, filialın Təbiət fənləri və onların tədrisi texnologiyası kafedrasının baş müəllimi, coğrafiya üzrə fəlsəfə doktoru Qafqaz Ağabalayevə, aksiyada iştirak edən müəllim və tələbələrə, AMEA-nın ŞREM-nin əməkdaşlarına minnətdarlığını bildirib.

• < Əvvəlki
• Növbəti >