Azərbaycan Dövlət Pedaqoji Universitetinin (ADPU) Şəki filialında fəaliyyət göstərən İdman Oyunları Birliyi (İOB) tərəfindən Ümumilli Lider Heydər Əliyevin anadan olmasının 101-ci ildönümü münasibətilə təşkil edilmiş voleybol yarışına mayın 7-dən start verilib. “Starıy Wolf”, “Tiger Qafqaz”, “Weridos”, “Rezonans”, “Qarabağ”, “Xarıbülbül”, “Şuşa”, “Matador”, “Xocalı” komandalarının iştirak etdiyi yarışın yarımfinal və final turu mayın 15-də başa çatıb. Yarımfinalda 4 komanda – “Starıy Wolf”, “Tiger Qafqaz”, “Qarabağ” və “Weridos” komandaları yarışıblar. “Starıy Wolf” və “Tiger Qafqaz” komandaları finala vəsiqə qazanıblar. Üçüncü yer uğrunda “Qarabağ” və “Weridos” komandaları mübarizə aparıb və “Qarabağ” komandası üçüncü yerə sahib olub. Final turunun nəticələrinə görə, “Starıy Wolf” komandası birinci, “Tiger Qafqaz” komandası isə ikinci yeri qazanıb.

• < Əvvəlki
• Növbəti >