Mayın 17-də Azərbaycan Dövlət Pedaqoji Universitetinin (ADPU) Şəki filialının əməkdaşları Şəkinin 7 saylı tam orta məktəbində olublar. Şəkinin ümumtəhsil məktəblərində olan buraxılış siniflərinin şagirdlərinə filial haqqında, eləcə də 2023-2024-cü tədris ili üzrə filiala tələbə qəbulu aparılacaq ixtisaslarla bağlı məlumat vermək məqsədilə təşkil edilən görüşdə filialın Təbiət fənləri və onların tədrisi texnologiyası kafedrasının müdiri professor Firədun İbrahimov, Karyera mərkəziniin müdiri baş müəllim Xuraman Həmidova və Keyfiyyətin təminatı şöbəsinin müdiri baş müəllim Nərminə Nəsrullayeva iştirak ediblər. Görüşdə filialın fəaliyyətini, inkişaf dinamikasını, tədris prosesini, tələbələrin sosial həyatını əhatə edən videoçarx nümayiş olunub, qəbul aparılacaq ixtisaslar, filialın hədəfləri, kadr potensialı, maddi-texniki bazası haqqında ətraflı məlumat verilib. Görüş zamanı sagirdləri maraqlandıran suallar cavablandırılıb.

• < Əvvəlki
• Növbəti >