Azərbaycan Dövlət Pedaqoji Universitetinin (ADPU) Şəki filialının rəhbərliyi və bir qrup əməkdaşı Oğuz rayonunun Xaçmaz kəndində olub, ölkəmizin ərazi bütövlüyünün təmin olunması və işğalda olan torpaqlarımızın azad edilməsi uğrunda gedən 44 günlük Vətən müharibəsində qəhrəmanlıqla şəhid olan Rəvan Lətifovun ailəsini ziyarət ediblər. Şəhidin anası Gültəkin Lətifova Rəvanın keçdiyi döyüş yolundan və təltiflərindən danışıb, Rəvana və Vətən müharibəsində həlak olmuş şəhidlərə həsr etdiyi şeir və hekayələri ilə qonaqları tanış edib. Qeyd olunub ki, ölkəmizin ərazi bütövlüyünün təmin olunmasında, müharibədə qazandığımız qələbədə şəhidlərin rolu danılmazdır və xalqımız daim onların adını uca tutacaq, xatirəsini hər zaman yad edəcəkdir. Qeyd edək ki, Rəvan Lətifov Azərbaycan Dövlət Pedaqoji Universitetinin “Təhsilin təşkili və idarə olunması” ixtisasının məzunu olub, müharibədən əvvəl müəllim kimi fəaliyyət göstərib. Müharibədə qəhrəmancasına şəhid olan Rəvan Lətifov ölümündən sonra Azərbaycan Respublikasının prezident cənab İlham Əliyevin sərəncamı ilə “Vətən uğrunda”, “Cəsur döyüşçü”, “Şuşanın azad olunmasına görə” medalları ilə təltif edilib.

• < Əvvəlki
• Növbəti >