20 yanvar şəhidlərinin xatirəsi yad edildi.

20 yanvar 2012- ci il tarixdə filialda 1990-ci ilin  20 yanvar faciəsinin 22- ci il donümünə həsr olunmuş ədəbi-bədii kompozisiyanın təqdimatı keçirildi. Tədbirdə professor müəllim heyəti və 150 nəfər tələbə iştirak edirdi. TYT-nin təşəbbüsü ilə hazırlanmış tədbiri filialın direktoru dos. R.A.Rasulov açdı. Şəhidlərin xatirəsi bir dəqiqəlik sükutla yad edildi. Humanitar elmlər kafedrasının baş müəllimi T.M.Məhərrəmov 20 yanvar faciaəsi ilə əlaqədar çıxış etdi. Sonra tələbələrdən N.Mürşüdova və O.İsayevin faciə ilə bağlı hazırladıqları təqdimatlar nümayiş etdirildi. Tələbələr səhnələşdirilmiş parçalar ifa etdilər. Türkan Hacıyeva şəhidlərin xatirəsinə həsr olunmuş mahnı ifa etdi.

Fransa Senatı uydurma “erməni soyqırımı” qanun layihəsini qəbul etdi

Fransa qanunları tərəfindən tanınan soyqırımları, o cümlədən uydurma “erməni soyqırımı”nı inkar edənlərin 1 il müddətinə azadlıqdan məhrum edilməsini və 45 min avro miqdarında cərimələnməsini nəzərdə tutan qanun layihəsi Fransa Parlamentinin yuxarı palatası olan Senat tərəfindən də qəbul edilib. Qanunun qəbulunda 213 nəfər iştirak edib, onlardan 127 nəfər qanunun lehinə, 86 nəfər əleyhinə səs verib.

Müzakirələr qurumun Qanunvericilik komitəsinin uydurma “erməni soyqırımı”nı inkar edənlərin cəzalandırılmasına dair qanun layihəsinin qəbuledilməz olduğu haqda çıxardığı rəy ətrafında aparılıb. Lakin səsvermə nəticəsində Komitənin rəyi qəbul edilməyib.

Uzun müzakirələrdən sonra keçirilən səsvermədə senatorların əksəriyyəti Komitənin rəyinin qəbul edilməsi əleyhinə səs veriblər.

Səsvermədə iştirak edən 253 senatordan 86-sı sənədin lehinə, 167-si isə əleyhinə səs verib.

‎20 Yanvar faciəsi

20 Yanvar faciəsi — sovet rejimin 1990-cı il, yanvarın 19-dan 20-nə keçən gecə qanunsuz olaraq ordusu hissələrinin Bakı şəhərinə yeritməsi nəticəsində çox sayda dinc əhalinin qırılması. Qarabağ uğrunda və azadlıq istəyi ilə ayağa qalxan xalqın inam və iradəsini qırmaq, milli mənliyini alçaltmaq və sovet hərb maşınının gücünü nümayiş etdirmək məqsədi ilə həyata keçirilmiş. Bu qanlı aksiya nəticəsində Bakıda və respublikanın rayonlarında 131 nəfər qətlə yetirildi, 744 nəfər yaralandı, 841 nəfər isə həbs olundu.

Elmi Şura iclası keçirilmişdir

29 noyabr 2011- ci il tarixdə AMİ-nin Şəki filialında növbəti Elmi Şura iclası keçirilmişdir. Iclasda “2011-2012- cil tədris ilində filialın yenidənhazırlanma ixtisaslarına müdavim qəbulu və tədrisin təşkili”, “2011-2012- cil tədris ilin qış mövsümünə hazırlığın vəziyyəti”, “2011-2012- cil tədris ilində filialı bitirəcək IV kurs tələbələrinin buraxılış işi mövzularının müzakirəsi və təsdiqi”, “2011- ci ildə filialda yerinə yetirilmiş elmi-tədqiqat işlərinin yekunları” və s. Məsələlər geniş müzakirə olunmuş və qərar qəbul edilmişdir.

Ardını oxu...

“Hüquqi dövlətimizin ali Qanunu - Konstitusiyamız”

11 noyabr 2011-ci il tarixdə AMİ-nin Şəki filialında konstitusiya gününə həsr olunmuş “Hüquqi dövlətimizin ali Qanunu- Konstitusiyamız” adlı elmi-nəzəri konfrans keçirilmişdir. Konfransı giriş sözü ilə Şəki şəhər icra hakimiyyətinin şöbə müdiri S.Yusifov açmış, humanitar elmlər kafedrasının baş müəllimi T.M.Məhərrəmov məruzə ilə çıxış etmisdir. Elmi işlər üzrə direktor müavini dos. N.Z.Cələbiyev, tarix elmləri namizədi R.F.Sadıqov, tələbələrdən O.Məmmədov, N.Cəlilzadə, A.İbrahimova çıxışlar etmişlər.

TGT-nin "bayram sovqatı"

4 noyabr 2011-ci il tarixdə filialın Tələbə-Gənclər təşkilatının fəalları, 25 nəfər tələbə, direktor müavini N.Z.Cələbiyev, həmkarlar təşkilatının sədri T.M.Məhərrəmov Şəki şəhərindəki uşaq evinə qurban bayramı münasibəti ilə bayram sovqatı və hədiyyələr aparmışlar. Tələbələr musiqi və rəqslərlə, səhnəciklərlə uşaqları əyləndirmişlər.

Bayraq günü qeyd edildi

4 noyabr 2011-ci il tarixdə filialda Azərbaycan Bayrağı günü münasibəti ilə (9 noyabr) ədəbi-bədii gecə keçirilmişdir. Tədbirdə direktor müavinləri Y.A.Abdullayeva, N.ZCələbiev, tarix müəllimi Məhərrəmov çıxış etmişlər.